您的当前位置:主页 > 影视快报 >旧香港大排档 贴地小菜够镬气 @Dining娜

旧香港大排档 贴地小菜够镬气 @Dining娜

Fine dining 固然正,但三五知己围埋一齐,几碟镬气小炒,小酌两杯,热热闹闹,嘈之巴闭都係爽嘅!上星期行经深水埗,发现喺香港买少见少嘅铁皮 旧香港大排档 ,眼见师傅在厨房炒瓜切菜,够晒镬气,当然要试吓喇!

(presented by 天祥饭店)

位于深水埗石硖尾街医局街上嘅天祥饭店,属香港买少见少嘅铁皮大牌档,铁皮档口主要係厨房,是不时见到大厨开行个火,煎炒煮炸都好够镬气。部份座位就係路边,天气开始凉,坐出室外都唔太热,仲够哂风味!天祥亦有舖位提供室内座位,实行落雨也不怕,天热也不怕,可以全天候食好西!

旧香港大排档   贴地小菜够镬气 @Dining娜

旧香港大排档   贴地小菜够镬气 @Dining娜

不单係环境够贴地、怀旧,仲有浓浓嘅人情味!老闆好鬼好倾,落手落脚招呼客人、落单,吹开水先知原来佢已经係天祥第三代传人,开咗廿几年嘅天祥由初只卖烧味嘅铁皮大牌档仔,到而家已经发展至有舖位,仲以晚市海鲜、小菜做主打!

旧香港大排档   贴地小菜够镬气 @Dining娜

话明怀旧铁皮大牌档,当然唔少得怀旧菜!出面已经好少地方有得食嘅家乡焗鱼肠 ($95),大过我块面嘅砵仔,即叫即焗,上菜时仲滋滋声,斋闻已经好香,食落仲香!鱼肠洗得好乾净,不腥不苦,加埋叉烧、油炸鬼与蛋浆一齐焗,劲甘香!

旧香港大排档   贴地小菜够镬气 @Dining娜

天气开始凉,又点少得热辣辣煲仔菜!当晚我就试咗古法羊腩煲(大$308/ 小 $218) 同沙姜啫鸡杂煲($98) 。前者用山东黑草羊,食落有羊肉嘅鲜骚味,腩肉焖得软腍。羊肉焖前有用火枪烧过,所以闻得出淡淡嘅烤肉味,加上当归、白卤水料、自家製柱侯酱,香浓入味!

旧香港大排档   贴地小菜够镬气 @Dining娜

至于沙姜啫鸡杂煲,係老闆研发嘅新菜式,大量切得非常幼细嘅姜丝、葱段吸收哂沙姜、鸡杂味道,咸香味浓,惹味十足,边食边饮啤酒一流。

旧香港大排档   贴地小菜够镬气 @Dining娜

锺意食煎炸嘢,一定要叫酥炸墨鱼饼 ($88)。有别于出面食到嘅墨鱼饼,墨鱼滑夹杂切碎的小棠菜,先包上一层腐皮,再沾浆油炸。脆浆调配得好,炸的熟度又刚好,换来金黄色卖相,外层酥脆,墨鱼滑口感鬆软又不会太硬。食时点上酸甜汁,去油解腻,多食几件都无问题!

旧香港大排档   贴地小菜够镬气 @Dining娜

老闆另一创作嘅新菜式,榄角酱烧骨 ($98)!酱烧骨混合了榄角嘅咸香、蜜糖嘅清甜、香醋嘅微酸,味道层次丰富,最难得係猪扒入味得嚟,仲好juicy!

天祥饭店

地址:深水埗石硖尾街医局街98号侧

(港铁深水埗站 A2 出口, 步行约8分钟)(显示地图)

营业时间:傍晚6时至凌晨2时

电话:6176 9703